فتاة: الفتيات في صفي أغروني بالعلاقات...الآن نادمة جدا وخائفة من أهلي

وصلت الى موقع العرب رسالة من فتاة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية. مرحبا انا مشكلتي رح أقولها باختصار لأنو مش رح أقدر أحكي بالموضوع كتير فالرجاء عدم التجريح لأني عارفة انو اللي عملتو بنم عن هبل وسذاجة بس الاشي صار..... انا بنت عمري 16 سنة وكل البنات اللي بصفي مصاحبات معداي انا وبنت متحجبة بالصف وفي مجموعة من البنات بالصف بضلو يدخلو براسي افكار انو لازم اصاحب واشوف حياتي وانا بعدني صغيرة لازم اطلع واشم الهوا مع الشب الللي بحبو وانو الحب مش عيب انا مش مقتنعة باللي بقولولي اياه لاني تربيت ترباي صح ... بس بعرفش كيف صار انو واحد طلب مني كيشر ووافقت وهو معنا بالمدرسة بس اكبر مني وانا وافقت من كتر مهدول البنات يحكو ... يوم ما عرفو البنات بالموضوع صرنا صحبات اكتر وتغيرت نفسيتي صرت اكتر مبسوطة وبضحك اكتر وحاسة انو ثقتي بنفسي كبرت ... بس في اشي كابت على قلبي عشان كل هاد من ورا أهلي ... هلء كل المدرسة صارت تعرف بموضوعي والحقيقة انو انا ماشية مع هاد الشب مش لاني بحبو بس عشان ميقولوش عني هبلة ... انا هلئ صحيت عحالي وبعدت عنو بس بعد ما الكل صار يعرف والله صرت استحي اروح عالمدرسة وانا مرعوبة انو يوصل الحكي لأهلي لانو كتير ناس بيعرفو وعاجلا ام اجلا رح يوصلهم الحكي ... انا مش عارفة ايش اعمل ... خايفة اقول لأهلي ومش عارفة كيف رح تكون ردة فعلهم لأنو أبوي كتير متشدد ويمكن يبطلني من المدرسة وخايفة يوصلو الحكي من حدا تاني وبتكون العاقبة وخيمة هاليومين بالقوة بقدر انام ومش عارفة شو اسوي .... بحياتكو حد يلاقيلي حل تعبت كتير وندمانة وعارفة انو طلعت هبلة عنجد لما رديت عليهم !! وشكرا :(   يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il