مشكلتي هي حماتي اريد بيتا لي وحدي

وصلت الى موقع العرب، هذه الرسالة من فتاة يطلب مساعدة وارشاد الزوار الكرام.موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

مرحبا..... كيفكو انا امراة عمري 20 سنة ومشيت مع جوزي 4 سنين ...وقبل سنتين تجوزت وعندي ولد. بعد الجيزة اكتشفت انو هادا الحب كله حكي فاضي واللي بتجوز عنجد بس بنجن لانو قبل ما الوحدة تتجوز بتكون ملكة بس تتجوز خلص عليهاx ومشكلتي انو حماتي معذبتني بتدخل بكل اشي ما بعنيها وبتزت حكي كثير وانا من اصلي انو بقبلش اجاوبها بس هي ستغلت هادا الاشي وجوزي ما بوقفها عند حدها بحجة انو (بديش ازعلها وهاي بتضل امي وحتى ما بدو يحاكيها) وقبل ما اتجوز كان يوقف للكل ما يسمح لحدا يضايقني وغير هيك انا متضايقة كثير من الاول لانو فش عندي بيت وبضل اقاتل حالي . زهقت عنجد من هاي الحياة حملت هم بكير كثير ومش عارفة شو بدي اعمل وما بتريح الا اذا بطلع من البيت وبنسى البيت واللي فيه.