نفسي اكون متل كل البنات اخد راحتي

وصلت الى موقع العرب رسالة من فتاة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية..

انا فتاه عاديه متلي متل كل البنات اللي بيعانو من هلمجتمع العربي ومش ملاقي حل لمشكلتي وانا من النوع اللي بياس بسرعه وما في حدا احكيلو لان ما حدا بفهمني بس اليوم قررت اني احكيلكو بلكي في شخص فهم علي وساعدني . انا عمري 19 سني بدرس علم نفس الحمد الله علاماتي بيجنينو وجمالي طبيعي بس وين ما بروح بيقولو عني قمر مصور مع اني ملاقي حالي عاديه جدا وين ما اروح العالم بدايقني بحكيها وخاصتا معاكسات الشباب وكل واحد بيحكي على كيفو اللي بيقول انا متعرف عليها واللي بيقول انا طلعت معها واللي بيقول هاي خطيبتي والله اياست مش عارفي كيف اسكت العالم وانا بنت كتير خجولي وما بعرف احكي مع شب كلمتين عبعضهن فكيف بدي اطلع معاه والمشكلي التاني ان اهلي كتير بيخافو علي من العالم اللي بدايقوني وما بيخلوني اطلع من البيت لحالي يعني اذا بدي اصل على الدكاني اللي حدنا لازم يكون معي حرس حتى عند صاحباتي ما بروح كل هادا لاني صبيه حلوي والله ظلم وانا هيك عيشي ما بتحملها نفسي اكون متلي متل كل البنات اخد راحتي واحس بشبابي كرهت حالي لاني حلوي و زهقت البيت والعالم واهلي وكل اللي حولي بليز اذا بتقدرو لقولي حل او انصحوني شو بقدر اعمل بهيك وضع

موقع "العرب" يوجه عناية الزوار الى انه بامكانهم ارسال مشاكلهم وتساؤلاتهم الى الموقع لاخد رأي الزوار فيها على alarab@alarab.co.il