مُطلقة: بناتي أغلى ما أملك يهددونني بالعودة لوالدهم إذا لم أحقق لهم طلباتهم

وصلت الى موقع العرب رسالة من امرأة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

السلام عليكم زوار موقع العرب، اشكو لكم همي وعيوني التي تذرف دماً ليل نهار.. مشكلتي ليست من اليوم انما منذ أن تطلقت قبل عدة شهور.. عندي بنتين توأم، وهني أغلى مني على حالي، هني كل شي عندي بالحياة، وعلى شانهن انا بحيا وبعيش.. 

 
صورة توضيحية

لكن هني مش مقدرات شو بضحي على شانهن، بناتي متطلبات جداً، بالرغم من انهن بلبسوا أحسن الأواعي ومن أغلى الماركات، وبطلعوا وبيجو، وشو بدهن بساويلهن، بس هني تمردوا على النعمة، وصار بدهن من اللي أغلى وأغلى، واللي بدها تلفون جديد، واللي بدها تطلع مع صاحباتها يومين على الشرم. ابوهن كان يدفعلهن نفقة شهرية بس لما كبرو قطع عنهن المصروف ! وصار من جهة أبوهن بحرضهن عليّ، وبغريهن بالمصاري، ومن جهة أنا ما معي كل يوم والتاني اشتريلهن اللي بدهن اياه، وأكثر من مرة استلفت من اخوي وابوي، بس الإشي صار محرج.
كل ما بقولهن لأ بكفي لهون، بصيرو بدهن ينتقلوا عند ابوهن، ويعايروا فيي، ويحطو اسباب الطلاق عليّ، مع انه مش أنا السبب. شو أعمل، شو اساوي؟ بشو بتنصحوني؟

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il