داهش مشلب-ابوسنان يهدي زوار العرب..سهرة عمر

من بعد ما كنا سوا نسهر فوق الروابي عاعشب أخضر  ونسمع حفيف ونقشع الإبحار عصافير طاروا ونقشع المنظر كنتي إن جلستي جنب هلأزهار تبلش تنسم ريحة العنبر وتحت القمر هالجبل عودك صار عود الخشب يلي ما بتكسر والغيم شالك والعشب أوتار والريح ريشة للنغم مصدر وكل ما عزفتي لحن للشعار من تحت منك يرقص المنبر وكل ما رفعتي صوتك الجبار يصيح القمر الله يا اكبر

تا القلب من جوا حنيني طار وليها تحوّل محبس مدوَّر
مزبوط قلبي طار بالأدوار بس بتنفس لحن جوهر
عليي اللحن مسكوب والأفكار حولي تا عملوا من النغم معبر
ومشيوا على المعبر وراق الغار ولفوا عاعنقي عقد من مرمر
وقالوا إلي هيدا من الابرار ليك أهتدي ولعنقك تصوّر
لا تشلحوا تا تنضب الأشجار وكل الورق تا يدوب بالمهجر
قلتلهن عا هالعقد شو بغار وهيي ما بنساها طوال العمر
حتى وانا بالقبر بتذكر
                                                                            بقلم:داهش مشلب