داهش مشلب يطلب بزجله المميز:ضلي حواليي

 قصيدة زجل من الشاعر داهش مشلب من ابو سنان مهداة الى جميع زوار الموقع...

ضلي حواليي

ضلي حواليي زهر عشاق

وبحوض للاحباب نتلاقى

تا صير لصوتك انا مشتاق

وانتي لصوتي كثير مشتاقة

حروفك سوا ضلو تصاروا رفاق

كل حرف وردة ملوني ساقها

اجتمعوا سوية عانهر اشواق

تتقدموا سوية بفرد باقة

قالوا الزهر بيفتِح بنوار

ونفحة عبيرو عالدني بتطلع

لكن انا كل يوم للازهار

جنب الودايا بالارض بقشع

وبشم عطر الدوَّب العطَار

يلي عطور الزهر عميجمع

وعطرك بشمو عن بعد امتار

لما بصوتك همس عمأسمع

عنّي اذا غبتي انا رح روح

بالروح مش بالدم والاجساد

شو منفعو يطلع لحن مبحوح

لما الوتر يبعد عن العوّاد

وشو نفعتو يموج البحر مشلوح

لوما مواجو خلدتلوا عناد

وهيكي انا من دون اجمل روح

بصفى اذا شي يوم صرنا بعاد