ديرحنا الكرامة .. وعرابة الأباء

في اعقاب احداث العنف والغليان التي عاشتها وتعيشها قرية ديرحنا وعرابة على خلفية الحادث المؤسف في تاريخ 17.10.08 الذي راح ضحيته المرحومة رسمية حسين (ام رشدي ) ..عل العبرة تصل لكل الآذان في قريتي وقرية عرابة ..

ديرحنا الكرامة .. وعرابة الأباء

شو صاير فيكي يا بلدي !!
وين ايام عزك
والعيشة بكرامة ؟
وين سكانك يلي قلوبهن
بتشعشع بالنور في المنارة!
شو صاير بالحارة !
ليش الجيران
مع بعض محتارة !
وصل الأمر فيكي
 لضرب رصاص وحجارة !
لا ما بدي هيك يصير
كل هذه من سوء الادارة
قلوب الناس في بلدي
صارت كرماد السيجارة
ليش هيك عم بيصير ؟
هذي والله اكبر خسارة
بصرخ باعلى صوت وبقول
انو الشر من شرارة
ارجعي يا بلدي زي ما كنت
احلى بلد بين جيرانة
يا جماعة اتهدوا
ما في مشكلة الا والها دبارة
بهمة المشايخ والشباب الجبارة
امر الصلح ما بدو تفكير
وانهو المسألة بخفة وشطارة
ما بدنا ندور زعامة وعائلات
عرابة محسوبة علينا
واحنا عليهن محسوبين
بحق الجيرة واهلها اطيبين
ونسبها الفخارة ..
يا اهل الخير ..
اللي صار قضاء وقدر
فلا اعتراض على حكمك
 يا رافع السما وحامي الحمي
والله يرحمك يا ام رشدي برحمتو
ويكون مثواكي الجنة
مع الرسل واهل الخير الطهارى
يا ريت تكون وصلت العبارة
فيا اسلام ويا نصارى
الحياة لازم تستمر
فخلينا زي السمكة بالصنارة
ومادام الألفة بتجمعنا
مش ممكن نغرق بالبحور الهدارة
ولا ندور بالشوارع مثل السكارى !
ما بدنا يرجع زمن المخاتير
هاي واالله كلها عيشة مرارة
ومثلث يوم الارض
صامد بأذن الله وبكل جسارة  ..
وبتمنى كلامي ..
يوصل لكل الآذان
وترتفع راية العز
على كل عمارة
وترجع بلدي تتعمر زي زمان
بالقلوب المليانة حب وانارة ..

بشرى نهيد خلايلة – ديرحنا