زَجل العيد فرحه للجميع/ بقلم: أسماء طنوس

 في العيد زور الأهل ولا تِنْسَ إِلمِسكين العيد فرحه للجميع الرّب إختارُه وهَنّي الجميــــــــــع عَالشِمــــــال وعَالــــيمين وروح للحزين ضَوّيــــــــلُه أَنـــــوارُه وِالبائِـــــــس اليَأْســـــــان إرْويــــــــهِ الحنـــــــين حتَى يزَهِّر أمل وِتْبَرْعِمِ اشْجارُه وِاللي قلبه بيِشـــــــــكي آهــــــــات وأَنيـــــــــــن وحـــاسِس كَإنُّه سَجــــــــين أَسْوارُه إِبْقَ روح واسيه وجَفِّف دُموعَ الْعــــــين رَجِّع البَسمات لِعيون إِحْتـــاروا واللّي ما معو ومِحتار يِلْجــَــــأ لِمــــــــين إِفتَحْلُه قَلبَك وِاسْمَـــع اخْـــــــــــبارُه واللّي ما ذاق طَعْم الْعيد مِن سْنــــــين خـــُذْ بِيَدُّه تَنْـــها تْغَـــــرِّدِ اطْيــــــــارُه تَيْبَدِّل حُـــــــزُن قــــــــــلبُـــــه لِنَـــــغم ورَنــــــــين وِنْشوف عَالِخدود ضِحْكِة ازْهارُه وكِلْمِه طَيِّبِه شِبْه الْخميرَه في العَجين بتِعْمَل بِقَلبُه تَتُنـــــْضُجِ اثْمــــــــارُه

المكر

موقع العرب يفسح المجال امام الكتاب لطرح أفكارهم التي كتبت بقلمهم المميز ويقدم للجميع مساحة حرة في التعبير عما في داخلهم ضمن زاوية منبر العرب. لإرسال المواد يرجى إرفاق النص في ملف وورد مع اسم الكاتب والبلدة وعنوان الموضوع وصورة شخصية للكاتب بجودة عالية وحجم كبير على العنوان:alarab@alarab.net