يرغبون بالتقرب مني لجمال جسدي

وصلت الى موقع العرب رسالة من فتاة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية..

السلام عليكم انا حابه احكي مشكلتي ويريت تساعدوني الاقي حل لالها .انا بنت عمري 26 تعلمت بس للثانوي .اجاني كثير عرسان 2 منهن وافقت عليهن واكام واحد كنت اقلهن موافقه وبس يفوتو لعنا ماحسهنش ملايمين لاني مكنش اعرفهن بالاول وكنت احب الشب الحلو واللي مزبط عيشتو اسا صار عمري 26 وتندمت على كثير شباب بعثولي وضوعتهن من ايدي .انا لحمدله مش نقصني اشي من الجمال بس المشكله انو جسمي كلو بقلي عنو انو جذاب يعني الشب لما يشوف جسمي بحسو بس بدو يحكي معي لهدف التسلاي او انو مفكرني بنت مش منيحه وبجرب انو يخليني اطلع معو حتى صاحباتي بقلولي جسمك كثير حلو وجذاب .انا مش فئيدي كلو بفكرني لاني بنت ذكيه وبحب امزح مع الكل بفهمو غلط وبفكروني بطلع مع اي شب بس الله يشهدعلي اني بحياتي مسلمتش جسمي لشب لاني بنت شريفه .حتى من بلدنا ولا مره بعتلي شب لهدف جدي مش عارفه لي كثير زهقانه عندي 4 خوات كلهن متجوزات احسن شباب وعايشات احسن عيشي .وانا ليش مليش حظ ؟ مع انو قلبي كثير طيب بعرفش اشي اسمو غدر او قلب اسود او حقد يريت تساعدوني وقبل متكتبولي جواب تفكرو بهالجواب اذا بجرحني او بساعدني .. وعلى فكره قبل مكمل كتابه بدي اقلكو انو انا عايشه ببلد كثير بشعه يعني الشباب فيها اذا البنت موافقتش عليه او تكبرت عليه بصير يقول عنها انها مش منيحه وانها طلعت معو عشان مينهنش قدام صحابو وشباب بلدي لاني ثقيله وما بعبرهن لانهن مش جديين بحكو عني حكي مش منيح ولتنين الي فاتو لعنا متوفقتش معهن من حكي لناس ومن جاراتي اللي بغارو مني وبحكو عني حكي مش كويس يريت تساعدوني وشكرا لالكو ..

موقع "العرب" يوجه عناية الزوار الى انه بامكانهم ارسال مشاكلهم وتساؤلاتهم الى الموقع لاخد رأي الزوار فيها على alarab@alarab.co.il

كما ويتوجه موقع العرب الى المعقبين الكرام الامتناع عن السب والشتم والتجريح العنصري والتعقيب بصورة موضوعية ومهنية ومناقشة القضية بإحترام مهما كانت صعبة، فصاحب القضية يكتب لموقع العرب طالباً المساعدة والنصيحة من زواره ولن نقدم المساعدة له بإستعمالنا الكلمات النابية