يعتقد اني مشمئزة منه ولكني خجولة

وصلت الى موقع العرب رسالة من سيدة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة هي التالية:

صباح الخير للجميع الرجاء نشر مشكلتي في موقع العرب الذي هو من اجمل المواقع واروعهاـوالجميع رجاء اتحملوني رح احكي بالعامية_مشكلتي انني تزوجت زواج تقليدي من سنتين تقريبا وما طولت فتره الخطبه كانت اقل من شهر تقريبا وكنت اول ما تجوزنا ما اتجاوب مع جوزي كتير وكان يحس بهاد الشي وفكرني مشمئزه منو ولا بكرهو او شي بس الموضوع اني مش ماخده عليه وخجلانه كنت يعني في الخطبه شفتو مرتين لانو هو من بلد وانا من بلد وما صار شي بينا ولما تجوزنا شفتها صعبه وهلا لا يوجد بيننا حياه زوجيه بالمعنى المعروف.مع العلم اصبح عندي طفله ودائما بحكيلي انو بدو يتجوز لانو هيك الشرع بحكي وانو مش مبسوط وببلش يطلع بعيوب مع اني احلى والله من كل الي عاجبتو بس قال بدوش زواج تقليدي بدو يعيش قصه حب كيف بدي اشيل هاي الفكره من راسو وكيف بدو اقنعو يرجع لصوابو وهو عندو حاله اكتئباب حاليا بسبب خطبه فاشله قبل ما يرتبط في ودايما بشك في وفي كلامي اني كزابه وخائنه ورح ابيع متل خطيبتو الاولى وانو ولا واحده رح تضحي مشانو الا ازا حبتو وهو مش مقتنع اني حبيتو،ارشدوني رجاء لم اترك حلا الا وجربته تعبت من حاله الاكتئاب الي هو فيها وكيف بدو اطلعو اسفه طولت عليكم بس ياريت تعقيباتكم تكون جديه انا انسانه بحب جوزي وبدي احافظ على بيتي

موقع "العرب" يوجه عناية الزوار الى انه بامكانهم ارسال مشاكلهم وتساؤلاتهم الى الموقع لاخد رأي الزوار فيها على alarab@alarab.co.il