عيد الام زجل : وائل أيوب

ي اخواني رصيدي مش موالي  
ولا عندي جواهر عم تلالي
انا  كنزي  رضا   امي  عليّ   
 رضا امي   دفعني   للمعالي
ومثل ما حملت ابني عا  يديّ   
حملتني ومعي  سهرت ليالي
سهر رب الخليقه ع  البريّه   
 وسهر بدر الدجى بعتم الليالي
وسهر حاكم على اصعب قضيّه
ت رجّح كف ميزان  العداله
وسهر مجنون ليلى العامريّه
بصحرا الحب عالطيف الخيالي
ايا  ستّ   الحبايب   يا تقيّه
لبست بعيدك من النور هال
انت مصدر السمعه النقيّه
ورمز اخلاص ومحبّه واصالي
وجودك هدف سامي ومعنويّه
وحياتك ع الارض اصدق رساله
واذا   قدمتلك   منّي   هديّه
قليله   لو     بقدملك     عيوني
ولعينيك  بيرخص  كل  غالي