أحبه بجنون ولكن غيرته الزائدة واستفساراته غير المنطقية وتدخله بلبسي يقتلني

وصلت الى موقع العرب رسالة من امرأة تطلب إشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

مرحبا لكل زوار العرب انا قصتي انو زوجي كتير بغار علي انا سيده عمري 21 سنه وزوجي عمري 26 سنه وصرلنا متزوجين سنتين ونص بعد حب 6 سنين وعنا بنت ومبسوطه مع زوجي وكتير بحب زوجي حب جنوني وهوي كمان كتير بحبني هوي شخص كتير منيح ومحترم ورومانسي.

صورة توضيحية

ولما نكون بالبيت لحالنا ما بكون حدا مبسوط بالدنيا كلها متلي قد مهوي مدللني وبعاملني بحنيه ورومانسيه بس في شغله منغصلتي حياتي وهيي غيرتو علي انا بعرف انو هاي الشغله فيو من زمان بس كنت على طول احكي لحالي انو هوي هيك لانو اسا انا مش معا وبضل بالو مشغول علي ولما نتجوز بتغير لانو خلص صرت الو بس ما! تغير شي وصار عنا بنت وما تغير شي وهاي الشغله كتير عم بتعملي مشاكل كل ما بدنا نطلع على محل لازم يكون مشكله على البس ولما نروح من السهره كمان مشكله هاد ليش هيك طلع؟ وهاد بتعرفي؟
وممنوع اطلع على محل ازا هويي مش معي وهاد ممنوع ... وهيك اشي وانا كتير عم اتنازل وعم بخاد على حالي وبداري فيو متل لولاد صغار من شان ما خرب علاقتنا بس عنجد كتير تعبت من هاد الوضع وخايفه انو يضل هيك على طول وما يتغير ومش عارفه شو اعمل.

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il