أحمد يبحث عن صديقة انقطعت اخبارها

وصلت الى موقع العرب رسالة من فتاة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية..

مرحبا للجميع وبتمنالكو كل خير ... انا الحمدالله ما عندي مشكله بحياتي انا شاب من الشمال وعمري 20 والحمدالله الله منعم علي بكل اشي_انا بطبيعتي بحب اكون صداقه وانا بلمدرسه كان الي بنت صف بشكل محترمه ومنيحه وكنت كثير صحبه انا وياها بس خلصت تعليم وتخرجنا كل واحد رجع لحياتو الطبيعيه الا راح يتعلم والا راح يشتغل .. استمريت اتواصل معها علاميللانو فش طريقه غير هيك كنا كثير نمزح يعني مجرد صداقه مش اكثر هالبنت بعزها بحترمها وبعتبرها زي اختي لانها عنجد بنت محترمه كثير وصاينه شرفها وسمعتها كنا نحكي تقريبا كل يوم فجاه انقطعت اخباري عنها قبل عشر تشهر تقريبا عالعيد وكنت حابب كثير اعرف السبب ما كنت احب اسال عنها ويعني مش حلو اروح واسال عنهامش لايئه هي امها متوفيه ومسؤوليه البيت عليها واخر مره حكيت معها حكتلي ما بدها تفوت علاميل ما قبلت تحكيلي السبب انا كثير بفتقدلها ومشتقلها لانها كانت كثير تنصحني ولما اكون مدايق تقف جنبي وانا نفس الاشي.. بس اخر فتره لمن حكيت معها كانت كثير زعلانه حاولت اعرف مالها ما قدرت مع انها كانت تحكيلي كل اشي عنجد انا بحسد الا راح تكون من نصيبو.. بتمنالها كل خير والله يوفقها بس يا ريت تقرا الا كتبتو وترجع اطل علينا وتنصحني لانو بحاجه الها كثير وهي كانت اقرب صديقه الي يا ريت ترجعي وطمنينا عنك وان شاء الله كل خير لانو بجد بتستاهلي من صديقك (احمـد)

موقع "العرب" يوجه عناية الزوار الى انه بامكانهم ارسال مشاكلهم وتساؤلاتهم الى الموقع لاخد رأي الزوار فيها على alarab@alarab.co.il

كما ويتوجه موقع العرب الى المعقبين الكرام الامتناع عن السب والشتم والتجريح العنصري والتعقيب بصورة موضوعية ومهنية ومناقشة القضية بإحترام مهما كانت صعبة، فصاحب القضية يكتب لموقع العرب طالباً المساعدة والنصيحة من زواره ولن نقدم المساعدة له بإستعمالنا الكلمات النابية.