شاب: أرغب بالزواج من حبيبتي ولكن أمي ستغضب مني إذا لم اتزوج قريبتها

وصلت الى موقع العرب رسالة من شاب يطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة كالتالي:
السلام عليكم ورحمه الله وبركاته انا شاب من الشمال عمري 26 سنه الحمدالله بشتعل وبيتي جاهز وكل هدفي انو ابني اسره ويكون عندي مستقبل وولاد وزوجه مخلصه قبل باكم شهر طلبت من واحده قريبتي تدور لي على عروس تكون بنت حلال ومحترمه لانو هي من عيله محترمه وبناتها محترمات وهي حكتلي عن بنت عمتها عمرها 21 وانا طلبت منها انو اشوفها واقعد معها بعلم خواتها واخوتها لانو اهلها متوفيين وقعدت معها ومع قريبتي وزوجها طبعا كانت قعده مشتركه وهدفها واضح وكان كل هدفي اتعرف عليها واشوفها المهم انا ارتحت للبنت كثير واعجبتني من ناحيه اخلاق وهاي اهم اشي كان عندي طلبي الاساسي ومن ناحيه جمال البنت كثير حلوه ومتواضعه بشكل وهادا زاد اعجابي فيها! فاتحت اهلي بلموضوع امي رفضت رفض قاطع ابوي ما كان عندو اي مانع لانو البنت معروفه باخلاقها مش قادر افهم سبب رفض امي مع انو فاتحتها بهالموضوع اكثر من مره وكان جوابها لاء من دون ما تعطيني سبب مقنع.

 
صورة توضيحية
 
بعدين اكتشفت انو بدها اتجوز اخت مرت اخوي ومن زمان بدها اياها الي مع انو انا ما بدي وحكتلي اذا ما بتاخدها بغضب عليك لاخر يوم بعمري انا كثير تعبان وحاسس بلذنب اتجاه البنت كيف طلبت انو اتعرف عليها انا ارتحتلها كثير وطول الوقت عم بفكر فيها وحبيتها ومش قادر ابعد عنها بمجرد كل الوقت عم بفكر فيها لان ا لبنت بصراحه ما بتتعوض واخلاقها عاليه وست بيت ومعدله وكل همها الستره انا مش عارف محتار وكثير تعبان امي زعلانه مني وما عم تحكي معي حسيتها تغيرت كثير من اتجاهي ومن ناحيه التاني دائما بفكر بمستقبل البنت كيف اذا اخدتها غصبن عن اهلي امي راح تسببلها مشاكل وتضل حاطه اتجاها الكره والحقد مع انو البنت بتنحب وبريئه وكثير مليحه ساعدوني وانا بتشكركم وارجوكم بلا استهزاءكل واحد ممكن ينحط بهيك موقف انا ما بدي اهلي وربي يكونو غضبانين مني وانا ما بدي اظلم نفسي والبنت الا دخلت قلبي انا شخصيتي قويه بس الحب والتضحيه اقوى من كل شيئ وخاصتا اذا كان الانسان بستاهل.

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il