شاب: أشعر بالخجل الكبير لأنني اكتشفت أن أمي (43 عاما) حامل بالشهر الرابع

- ابرز ما جاء في الرسالة :  * انا شاب عمري 22 عاما ومشكلتي متعبتني كتير 

* من يومين اكتشفنا انا واخوتي انو امي حامل وبالشهر الرابع 

* انا واجههتها بانو احنا متضايقين من هادا الشيىء وخجلنين كتير 

* امي مبسوطه كتير بحملها وطايره من الفرحة بس لما فتحت المضوع معها اتضايقت كتير 

وصلت الى موقع العرب رسالة من شاب يطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة هي التالية:
مرحبا حبيت اعرض مشكلتي بموقع العرب ..انا شب عمري 22 سني حبيت اكتب مشكلتي اللي بتسببلي احراج كبير كتير انا واخوتي وهي انو من يومين عرفت انو امي حامل بالشهر الرابع ..وامي صار عمرها  43  سنه يعني فش حاجي اشرح اكتر ..يعني كبيرة بالعمر وانا بخجل من هذا الشيىء ..

صورة توضيحية

مش عارف شو اعمل شو اقول لأصحابي , انا واجهتها لمن عرفت وقلتلها لأ بنفعش هيك راح تسببيلنا احراج والناس راح تحكي علما انو هي مبسوطة بس لما فاتحتها بالموضوع انزعجت وصارت تبكي وابوي ما علق عالموضوع واحنا بالبيت 3 شباب انا اكبرهن واخت متزوجة, يعني مش حلوة شيلي هاي القصة ء و رأيكو ريحوني شوي كيف اتصرف قبل ما يفوت الاوان وننحرج اكتر بس بترجاكو توخدو الموضوع بجدية لأني مش حمل اي تعليق بمس بمشاعري اكتر وشكرا لموقع العرب..
 
 يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il