شاب: سأنتظرك حتى انتهاء الدراسة

وصلت الى موقع العرب رسالة من شاب يطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة هي التالية:
راح اطرح مشكلتي وبتمنى منكو تساعدوني وبشكر موقع كل العرب الا بفتحلنا مجال نعرض مشاكلنا والزوار الكرام يساعدونا .. انا شاب عمري 23 سنه من الشمال الحمدالله بتعلم وبعدلي فتره قصيره وبخلص تعليمي وراضي عن حالي ومجهز حالي لكلشي وباني مستقبلي كلو بفضل الله ... حبيت بنت عمرها 19 من طرف واحد بتتعلم معي ولحد اسا بعدني بحبها والحمدالله غرضي شريف وكل هدفي اتجوز وابني عائله اعترفتلها بحبي اتجاها لكن رفضتني بشكل قاطع والسبب ما بدها ترتبط غير لما تخلص تعليمها قلتلها بستناكي ومستعد اعمل المستحيل عشانك ما رضيت ومتاكد ما في حدا بحياتها هالبنت كل همها مستقبلها ونجاحها ومن احسن البنات اخلاق ادب ترباي والله معطيها جمال والحلو فيها مش متكبره وانسانه بسيطه بكل معنى الكلمه وانا خايف اخسرها وما تكون الي اقسم بالله حبيتها من كل قلبي ومن اول نظره دايما بفكر فيها دايما عبالي ويا ريتها تحس معي بحلم فيها تكون شريكه حياتي بلمستقبل والمليح فيها خجوله وما بتحكي مع الشباب وما بتعمل علاقات يعني بنت شريفه وكرامتها محفوظه انا عم بتعذب ما بنام الليل من كثر التفكير فيها شاغلتلي بالي وماخدتلي كل عقلي يمكن ما حدا راح يحس بلي حاسو انا ما راح احب غيرها ومستعد افديها بروحي واعمل واضحي والمستحيل عشانها بس ترضى فيي وتوافق حكيت لاهلي عنها حبوها اكثر مني وقلولو منخطبلك اياها انا سالت عنها وعن اهلها سمعتهن طيبه بلبلد والبنت منيحه بس دايما كلمه علسانها ما بتعرف عشاب بهيك طريقه وانا سمعتي بتسوى كل الدنيا بس بدي قولك اني اقسم بالله حبيتك وراح ابقى احبك ويا ريت تحسي فيي وتقبلي يا (M)... وشو بصير عليكي بصير علي واكثر وما تسمعي لكلام الغير وترجعي تصبحي علي كل يوم زي اول لانو بكون مبسوط ومرتاح كثير بعرف انك بتابعي هالزاويه وبتمنى يصير كل خير بينا بحبك وراح اضل احبك لاخر يوم بعمري بس حسي فيي شوي ..

موقع "العرب" يوجه عناية الزوار الى انه بامكانهم ارسال مشاكلهم وتساؤلاتهم الى الموقع لاخد رأي الزوار فيها على alarab@alarab.co.il

 كما ويتوجه موقع العرب الى المعقبين الكرام الامتناع عن السب والشتم والتجريح العنصري والتعقيب بصورة موضوعية ومهنية ومناقشة القضية بإحترام مهما كانت صعبة، فصاحب القضية يكتب لموقع العرب طالباً المساعدة والنصيحة من زواره ولن نقدم المساعدة له بإستعمالنا الكلمات النابية.