طلقتها لانها لا تنجب الاولاد! وتزوجت بأخرى ليتضح انني انا العاقر!
ابرز ما جاء في الرسالة:
ابرز ما جاء في الرسالة:
عمري 30 عاما تزوجت من امرأة وأحببتها كثيرا كحبي لان يصبح لي ابنا..ولكنها لم تستطيع الانجاب
طلبت منها القيام بالفحوصات وأخبرتني ان فحوصاتها سليمة بدون مشاكل..بعد فترة انتظار طويلة طلقتها لاتزوج بأخرى تنجب لي
بعد زواجي من الثانية التي لم تحمل ايضا...اجريت فحوصات طبية ليتضح اني عاقر لا انجب ولا امل مني..والان انا بأمس الحاجة لها بعد ان طلقت الاخرى واريد ان ارجعها لذمتي! فهل ترضى؟
وصلت الى موقع العرب رسالة من رجل يطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.
الرسالة كالتالي:
مرحبا موقع العرب انا رجل عمري 30 عاما تزوجت منذ سنتين من امرأة اعجبت فيها وقت ما خطبتها وتعلقت فيها لدرجة كبيرة . بعد ما تزوجنا عشنا فترة كتير حلوة بس طبعا الحياة ما بتكمل الا بوجود اولاد بالذات اني كتير بحب الاطفال بس للاسف مرقت فترة طويلة وهي ما حبلت وبعد سنة انا شكيت بالموضوع وهي كمان خافت .
وطبعا بعد ما شديت عليها كتير ققرت اني اخليها تروح عند الدكتور وتسألوا عن سبب تأخير الحمل , وما بكذب انا تغيرت معها كتير وبطريقة معاملتي الها من بعد تأخر الحمل .
هي تغيرت ونفسيتها تعبت كتير وراحت عند دكتور وفحصها وقلها انو فيش عندها ولا اية مشكلي بس القصة بدها وقت . انا صدقتها ومشيت معها للاخر وبعد 4 أشهر ما حبلت وقتها انا حسيت انها عم تكذب علي انها عاقر وما بتخلف وبدها تكذب علي , وصارت مشكلي كبيري بيني وبينها وقررت اطلقها وهي ترجتني وصارت تحلف انو ما في عندها مشكلي وبالاخر طلقتها .وبعد شهرين اهلي زوجوني بالذات انها امي ما كانت تحبها لمرتي وكانت تضل تقول انو هي بتكذب وهي ما بتخلف وبتتهرب من الموضوع .
بعد الزواج وبعد فترة مرتي الجديدة ما حبلت وهاذا الموضوع جنني وما خلا براسي وصار الشك يلعب راسي وبتفاجأ انو بعد الفحوصات الطويلة وني انا عاقر وما بجيب ولاد .
صورة توضيحية
ولما سمعت بالموضوع جن جنوني وماغدرت اواجه حدا وطلقت مرتي لاني ما غدرت اواجهها واحكي انو الايشي مني انا بالذات انها المرأة الثاني .نفسيتي تعبت كتير بعد طلاق مرتين بس مرتي الاولى وحبي ما راحت من بالي وكل يوم بتذكرها وكأنها معي لحد ما قررت اني ارجعها لانها كانت حساسة كنير وبسيطة وبتفهمني..وانا بعرف لو انها عرفت اني انا الي ما بجيب ولاد ما كانت راح تتركني . بفكر ارجعها بس خايف ارجع واطلب عندي خوف كبير منها ومن اهلها ومن الرفض, وهل هي راح تقبل ترجع لواحد ظلمها واتهمها بعدم الانجاب وبعدها تسامحوا.؟ انا بدي اياها وخايف الرفض ؟ ساعدوني شو اعمل وبأي طريقة ارجعها على بيتي؟ وهل هي راح تفبل ترجعلي وانا عاقر؟ بالذات انها صغيرة بالعمر والف واحد بتمناها؟
يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il
