فتاة 24 عاما:أحبه وأضحي ومنحته كل شيء منذ 3 أعوام وما زال يتركني ويعود لي متى يشاء

جاء في الرسالة:
مشكلتي بلشت لما اتعرفت على شب من 3 سنين وحبيتو كتير وصارت حياتي كلها معلقة فيو وانا بالجامعة بفكر فيو وانا بالبيت وانا اكل وانا اشرب كل حياتي صارت اله

بعد هاي السنة من الحب وبعد ما تركني وحيدة بهالدنيا أنا تعبت كتير وبعد شهرين فاجئني برجوعو وفات على حياتي وصار يقولي انه اشتقلي وانه انا مهمة بحياته

رجع تركني بعد أكم شهر وهيك أنا عايشة بهالحالة كل فترة برجعلي بسمعني احلى كلام وبقلي مشتقلي وبوعدني كتير وبوخد اللي بده ياه وبعدها بتركني وبروح

وصلت الى موقع العرب رسالة من شابة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

مرحبا انا صبية عمري 24 مشكلتي كبيرة ومش عم بعرف أعيش بسببها.. حياتي اتدمرت وكل شي صار فيها أسود ، صرت أشوف كل الناس شريرين وما بحبوني وكل ما اتفائل بيجي اشي بدمرني أكتر من أول وبرجعني لورا ألف خطوة.
 

صورة توضيحية

مشكلتي بلشت لما اتعرفت على شب من 3 سنين وحبيتو كتير حبيته حب جنوني وصارت حياتي كلها معلقة فيو.. وانا بالجامعة بفكر فيو وانا بالبيت وانا اكل وانا اشرب كل حياتي صارت اله.. وهو كمان كان يحبني وأنا متأكده من هاد الاشي بس بعد علاقة حب قوية كتير استمرت سنة كاملة اختفى فجأة من حياتي.

عذاب مستمر
بعد هاي السنة من الحب وبعد ما تركني وحيدة بهالدنيا أنا تعبت كتير وصارت حياتي كلها سودا بطلت أحب أعيش ولا احكي مع حدا حتى.. بعد شهرين فاجئني برجوعو واجى رجع وفات على حياتي وصار يقولي انه اشتقلي وانه انا مهمة بحياته وانا سمعت كلامه ورجعتلو سلمته كل حياتي ونفسي وضليت معه. وبعد هيك رجع تركني بعد أكم شهر وهيك أنا عايشة بهالحالة كل فترة برجعلي بسمعني احلى كلام وبقلي مشتقلي وبوعدني كتير وبوخد اللي بده ياه وبعدها بتركني وبروح. انا عايشة بعزاب وما بعرف شو اعمل اعطيتو كل اشي وهو مش مقدر .. كل ما يروح ويبعد برجع بتقبله وبحبه من جديد عم برفض كل الناس اللي بتقدمولي وااللي بحبوني عشانه صرلي 3 سنين على هالحالة بروح وبرجع وبرميني وبعدها برجع لما يزهق من حياته وبتخبى بحضني .. شووو اعمل انا تعبت كتير وصرت أكره حياتي وبتمنى أموت ولا أعيش بالعزاب هاد بس بنفس الوقت بغدرش أكرهو وأبطل أحبه..

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.net