فتاة: أريد تغيير عقل أهلي فخطيبي بدأ ينزعج من تصرفاتهم فهل يتركني؟

أبرز ما جاء في المشكلة:

 انا صبيه من الشمال مخطوبه اهلي من النوع الي ما بحبو يطلعو يسهرو لا عند صحاب ولا عند عمامي ولا عماتي حياتنا كلها البيت فش طلعه فش فوته كل حياتنا بالبيت

اهلي ما بخلونا متل اي تنين مخطوبين نطلع مع بعض نطفش مع بعض وبنفس الوقت اهلي مش معقدين ابدا بالعكس لما اخوي خطب كانو يقولولو خد خطيبتك واطلع انتي وياها

بدي اعيش متل اي بنت مخطوبه وبعرف انه لكل شي حدود بس مش مخلينا نعيش متل اي نتين مخطوبين وازا قعدنا نحكي مع بعض بصيرو يقولو ليش بتحكي معه بصوت واطي

وصلت الى موقع العرب رسالة من شابة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة كالتالي:
مرحبا لجميع قراء ومعقبين موقع العرب حابه احكي قصتي هون لتعطوني رايكو وحلول لحلها واطلع من الحاله الي انا فيها. انا صبيه من الشمال مخطوبه اهلي من النوع الي ما بحبو يطلعو يسهرو لا عند صحاب ولا عند عمامي ولا عماتي حياتنا كلها البيت فش طلعه فش فوته كل حياتنا بالبيت ازا حدا اجا لعنا منقعد ما حدا اجا ما منروح عمحل وبالفتره الاخيره صرت احس بامي عم تمرض كتير وبجديد مبين معها بالفحوصات انو عندها سكري وبتقهر بحالها كتير بحكي معها تغير حياتها وتغيرلنا حياتنا ما بترد بتقلنا كله من ابوكو هو بده يضل قاعد بالبيت لا بدو يروح ولا بده ييجي.

صورة توضيحية- تصوير: thinkstockphotos

المشكله التاني الي مواجهتها اسا انو اهلي ما بخلونا متل اي تنين مخطوبين نطلع مع بعض نطفش مع بعض وبنفس الوقت اهلي مش معقدين ابدا بالعكس لما اخوي خطب كانو يقولولو خد خطيبتك واطلع انتي وياها يعني مش عارفه شو اعمل معهن .ازا منطلع منسهر مع بعض واخوي معي بصيرو يتصلولو روحو وتتاخروش وابصر شو واوبوي من اول يوم خطبنا فيه قلي مش لبسنا محابس ونخطبنا بدك تضلي رايحه جاي معه احترت شو اعمل معهن بدي اعيش متل اي بنت مخطوبه وبعرف انه لكل شي حدود بس مش مخلينا نعيش متل اي نتين مخطوبين وازا قعدنا نحكي مع بعض بصيرو يقولو ليش بتحكي معه بصوت واطي. 

"بدي اغير عقل اهلي"
وامي بدها تعرف كل شي بيتانتا حتى كبيره وصغيره ممنوع تكون خصوصيات بيناتنا في شغلات بسيدر الام لازم تعرف بس خطيبي كتير بحبني ما بزعلني وما منقص علي شي ومحترمني وانا اول مسؤولياته ومالي علي الدني وانا كتير مبسوطه وبنات كتيره بتتمنى يكون خطيبها هيك بس الحمدلله كتير كتير كتير مبسوطه معه وخطيبي تضايق كتير كيف اهلي على كل شي لا مع انه لا شب هامل ولا ازعر متعلم ومعروف بكل البلد بادابه واحترامه للناس وهادا الي مخليني احبه اكتر واكتر. بدي اغير عقل اهلي وبدي اعيش مع خطيبي متل اي بنت عايشه وبتروح وبتيجي مع خطيبها ساعدوني بدون استهزاء وشكرا.

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي:alarab@alarab.net