لا علاج لمرضي.. وحبيبتي هجرتني وعلاماتي انخفضت وأصبحت سمينا
وصلت الى موقع العرب رسالة من شاب يطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.
الرسالة هي التالي :
السلام عليكم لكل زوار موقع العرب انا شاب من الشمال عمري 17 سنة بصف ال 11 مشكلتي هي اني مريض ... لكن مرضي ما بينفعو لا دكتور ولا مستشفى ولا اي شيء. المرض هذا اسمة "جهاز الكمبيوتر . الكمبيوتر , هذه الكلمة تجري في دمي طالما انا عايش بهذة الحياه , تعرفت على شيء اسمة انترت قبل حوالي 5 سنين بدأت اتصفح الانترنت كل يوم تقريبا وكل يوم يزداد حبي له انا الان بصف ال 11 هذا الجهاز خرب حياتي دمرني انا كنت انسان والله كنت انسان بس اسا مش! عارف. انا كنت اعرف احكي مع العالم كنت احبها وهي كمان كانت حياتي حلوة كان شكلي عاجبني دايما بس اسا × بالاحمر العريض .
صورة توضيحية
القصة يا اخواني جلوسي امام الكمبيوتر كان يجذبني يوم بعد يوم وكل يوم تزداد الساعات الي بجلس فيها امام الكمبيوتر لحتى وصلت لهذة الدرجة , 9 ساعات كحد ادنى يوميا وكما يقولون بالعبرية " رتسوف هاي الساعات ما عدت اقدر اشيل نفسي عنة دمر حياتي , علاماتي نزلت مع اني متفوق بالصف كلة , وانا بصف ال10 عملت بسيخومتري اخذت علامة 591 واسا عدتة رجعت العلامة ل 574 كلة بسببة انا من ورا هالجهاز سمنت يعني صرت سمين , حبيبتي الي كنت اعيش مشانها تركتني وصرت لما اجلس بين ناس او بين اصحابي ما اعرف اتكلم معهم , ما عدت اجتماعي بالمرة , بتسألوا ليش بقعد كل هالوقت امامة , انا يا جماعة لا بدور على الحكي الفاضي والهبل هذا مثل الجنس وحب البنات على المسن , انا بجلس علية لتعلم لغات البرمجة مثل السي وبرامج البرمجة متل الدلفي والفيجوال بيسك صارت هوايتي صار الاشي بدي مع اني ما بدي يكون مستقبلي بهذا المجال بدي صير طبيب هذا هو حلمي يا جماعة . لكن الظاهر انة ما رح يتحقق هالحلم طالما انا هيك بدي مساعدتكم ! اخواني وبدون سخرية والسلام عليكم ورحمة لله تعالى وبركاتة
يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il .
