زجل: لِلصّوم/ بقلم: أسماء طنوس

لَوْ صُمْـت كُلّ الصيام والشّر ما تْرَكْتُه
والغَضَـب في القلـب ما زال مِحْتَـلُّه
وبَعْدا الوَساوِس فيك والصَّوْت ما سْكَتُّه
وضميرَك ما صِــــحـي بَعْدو مَحَـــلُّه
وِسْراجَك المَطفـــــــي بَعــــدَك ما ضَوَّيْـتـــُه
وما زالتِ العتمـات في القلب ما فَلّوا
وبَعدو الصَّـدَأ مغَطّي البـاب ما فْرَكْـتُــــه
ولا غَيَّرِت فيك شيء وِالذنوب ظلّوا
وِالقِفِل في الباب وبَعْـــــــدَك ما حَرَّكْتُـــــه
ومخدوع بالشيطـان وإيديـكَ إنْشَـــلّوا
سلاحَكَ الإيمان بِــــــنـورِ الله لَـوِ مْلَكْـتُـــــه
بيفـوت جُوّا القلـب عَالصَّـحِّ بيـدِلُّه
وبيفيض فيكَ النّـور في حُـــــــبّ قَدَّمْـتُــــــه
وبتكون شمعِة لَلّي عَالدَّرِب ضَلّوا
وِاللّـي أَذاك بـــــــيـوم بِتـــــــكون سامحـــتـــُه
وِبْتهـدي الغير بالإيمان تَــــــيْصَلّوا
ومِن بَعِد ما القلـب بالصّـومِ غَيَّـرْتُه
أَلله غَفَـر الِذْنـوب وعُقداتَـك انْحَـلّوا

المكر

موقع العرب يفسح المجال امام الكتاب لطرح أفكاركم التي كتبت بقلمهم المميز ويقدم للجميع مساحة حرة في التعبير عما في داخلهم ضمن زاوية منبر العرب. لإرسال المواد يرجى إرفاق النص في ملف وورد مع اسم الكاتب والبلدة وعنوان الموضوع وصورة شخصية للكاتب بجودة عالية وحجم كبير على العنوان: alarab@alarab.net