مقعد :زوجتي تضربني وتناديني بالحيوان امام ابنائي ولا أقوى عليها! ماذا افعل ؟

- ابرز ما جاء في الرسالة : عمري 35 عام متزوج ومقعد لا استطيع الحراك ابدا واتعرض للضرب والاهانات من قبل زوجتي

زوجتي لا تخجل من نفسها وتسيىء لي وتضربني امام اولادي..ولا ادري كيف اصدها لان ليس لي سواها

وصلت الى موقع العرب رسالة من رجل يطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

مرحبا موقع العرب انا رجل عمري 35 عام متزوج وعندي ولدين , مشكلتي اني ولدت مشلول لا استطيع المشي ابدا , مرتي قبلت في بوضعي هاذا وما اشتكت وقالت انها راح تقوم في بعد ما فكروا اهلي انهن يزوجوني من اك سنة .
اتزوجت والحمد لله واجاني ولد وبنت بس الي متعبني وهالكني والمشكلة الي انا مستحي منها وما غدرت احكيها لحدا انو مرتي بتضربني وبطلطش في كتير , كل ما اتغاوش انا واياها بتمد ايدها علي وبتضربني ان كان على وجهي او بتخبطني على اجري .
هاذا الوضع زاد عن حدوا كتير وصارت لما اطلب منها ايشي او انها تساعدني اتحمم او اعمل اي ايشي كان تمد ايدها علي بعصبية وما تخلي اهانات ومسبات علي وعلى السيعة الي قبلت تتزوجني وبضل تقول انها ابتلت في وربنا بلها وتزوجتني .

صورة توضيحية

الوضع ما بنطاق وانا ما بغدر احكي هادا الموضوع لحدا لاني زلمي وكرامتي ما بسمحلي وما لقيت غير اني اكتب مشكلتي لناس ما بتعرفني لحتى يساعدوني , لاني مستحيل احكيها لحدا ثاني .
اصعب ايشي صار انو ولادي بلشو يوعوا ويفهموا كل ايشي ومرتي بتعمل عمايلها معي من كفر وصياح وضرب قدام ولداي وانا ويلي ما بدي احكي لحدا ويلي مش غادر امنعها بالرغم اني حكيت معها اكتر من مرة .
ساعدوني شو اعمل , انا بحيرة كتير كبيرة وبنفس الوقت ما بغدر اطلقها لانو ما في حدا يقوم في اذا تركتها وما الي غيرها وغير ولادي ...هل اطلقها واجرب اتزوج وحدة تانية..بس مين الي راح تقبل في ؟ شو اعمل ساعدوني مش عارف شو اعمل ؟.

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il